Къэралыгъо фондэу «Хэгъэгум иухъумакIохэр» зыфиIорэм ишъолъыр къутамэ иIофышIэхэм хэушъхьафыкIыгъэ дзэ операцием идзэ пшъэрылъхэр щигъэцакIэхэзэ хэкIодэгъэ Урысыем и ЛIыхъужъэу, полковникэу Роман Тороховым ишIэжь зыщагъэлъэпIэгъэ Iофтхьабзэ рагъэкIокIыгъ.

Ащ хэлэжьагъэх депутатхэр, общественникхэр, ЛIыхъужъым иIахьылхэр, игупсэхэр.
Роман Тороховыр зыхэт къулыкъу­шIэхэмкIэ сыдигъуи щысэтехыпIагъ. ХэушъхьафыкIыгъэ дзэ операцием ар хэтыфэ район ыкIи къоджэ псэупIабэ шъхьафит ашIыжьыгъ. Ащ кIэух дэгъу зиIэ дзэ Iофтхьэбзэ гъэ­нэфагъэхэр зэрихьэщтыгъэх ыкIи дзэкIолIхэр игъусэхэу пыим пэуцужьын ылъэкIыщтыгъ. Илъэс­кIэ узэкIэIэбэжьмэ, ар хэкIодагъ. Ыпсэ емыблэжьэу идзэ пшъэрылъ Роман ыгъэцэкIагъ.
Iофтхьабзэм хэлэжьэгъэ пстэуми ащ лIыхъужъныгъэу зэрихьагъэр хагъэунэфыкIыгъ. ИшIэжь агъэлъапIэзэ, икъэ къэ­гъагъэхэр тыралъхьагъэх.
Роман Тороховым ыцIэкIэ зыщеджэгъэ гурыт еджапIэу N17-м Партэ ­къыщыфызэIуахыгъ, Мыекъуапэ иурамхэм ащыщ ыцIэ фаусыгъ. Джащ фэдэу нэбгырэ 1100-мэ ателъытэгъэ еджэпIакIэу къалэм икъокIыпIэ лъэныкъо щашIырэм ащ ыцIэ ыхьыщт.
Сурэтыр: фондэу «Хэгъэгум иухъумакIохэр»