Адыгэ Республикэм и ЛIышъхьэрэ Адыгэ Республикэм иминистрэхэм я Кабинетрэ лъэшэу гухэкI ащыхъугъ Къэндаур Руслъан Исмахьилэ ыкъом идунай зэрихъожьыгъэр ыкIи ащ иунагъорэ иIахьылхэмрэ афэтхьаусыхэх.
Къэндаур Руслъан илъэс 28-рэ дипломатическэ къулыкъум щылэжьагъ. 2005-рэ илъэсым къыщегъэжьагъэу 2010-рэ илъэсым нэс Урысыем IэкIыб къэрал IофхэмкIэ и Министерствэ ипредставительствэу къалэу Мыекъуапэ щыIэм пэщэныгъэ дызэрихьагъ. Аужырэ илъэсхэм Урысыем и Генеральнэ консулэу къалэу Гюмри (Армением) щыIагъ.
Адыгеим Iоф щишIэ зэхъум, Къэндаур Руслъан тиреспубликэрэ IэкIыб къэралыгъохэмрэ зэпхыныгъэу зэдыряIэхэм зягъэушъомбгъугъэным, IэкIыб къэралхэм арыс тилъэпкъэгъухэм культурэ, гуманитар зэпхыныгъэу адытиIэхэр гъэпытэгъэным иIахьышIу ахишIыхьагъ.
Дипломатическэ къулыкъум ащ Iоф щишIэ зэхъум иIофшIэгъухэм лъытэныгъэ ин къыфашIыщтыгъ, IэпэIэсэныгъэрэ цIыфыгъэшхорэ хэлъыгъ.
Къэндаур Руслъан Исмахьилэ ыкъор шIукIэ тыгу илъыщт.