ТхэквондомкIэ Урысыем ичемпионат Налщык щыкIуагъ. Къэралыгъом ишъолъыр 44-мэ къарыкIыгъэ спортсмен 400-м ехъумэ заушэтыгъ. Адыгеим илIыкIохэм гъэхъэгъэшIухэр ашIыгъэх, медалитIу къахьыгъ.

СпортымкIэ дунэе класс зиIэ мастерэу Даур Къадырбэч ухьазырыныгъэ дэгъу къыгъэлъэ­гъуагъ, дышъэ медаль къыхьыгъ. Ар къин къыщымыхъоу финалым нэсыгъ ыкIи Татарстан испорт­сменэу Муслим Ахтаевым те­кIуагъ. Джащ фэдэу Адыгеим щыщ Эрик Насуллаевым ящэнэрэ чIыпIэр къыфагъэшъошагъ. Команднэ зэнэкъокъухэм респуб­ликэм илIыкIохэм я 7-рэ чIыпIэр къащыдахыгъ. Самарскэ хэкур зэкIэми анахь лъэшыгъ.