Top.Mail.Ru

Апэрэ чIыпIэм щыт командэм дешIагъ

Image description

ФутболымкIэ Урысыем изэнэкъокъу иятIонэрэ лигэ хэт «Зэкъошныгъэм» зичэзыу ешIэгъоу Таганрог щыриIагъэр шIуахьыгъ. Первенствэм апэрэ чIыпIэр щызыIыгъ «Фортем» тикомандэ IукIагъ.

«Форте» — «Зэкъошныгъ» — 3:1 (3:1).
Къэлапчъэм Iэгуаор дэзы­дзагъэхэр: М. Абакаровыр, ­
Т. Мелекесцевыр (тIогъогогъо), Г. Абдуллаевыр.
«Фортем» хэтыгъэх: Н. Москаленкэр, А. Амиралиевыр,
И. Муслуевыр, Т. Николаевыр, А. Панченкэр, Д. Карташовыр, Д. Квеквескири (С. Косицыныр), М. Колмаковыр (А. Мкртычян), И. Шведюк (Н. Климовыр), М. Абакаровыр (Н. Панамаревыр), Т. Мелекесцевыр (Н. Муромскэр).
Тренер шъхьаIэр: Э. Саркисовыр.
«Зэкъошныгъэм» щешIагъэх: Т. Хачировыр, Д. Савиных, И. Оразаевыр, У. Магомедбековыр, М. Ягьяевыр, И. Абдуллаевыр, А. Малкандуевыр (А. Хьасанэкъор), З. Коблыр, (Ш. Гайдаровыр), Н. Сергеевыр (Д. Антоненкэр), К. Юшко, Г. Абдуллаевыр.
Тренер шъхьаIэр: С. Мирошниченкэр.
ЕшIэгъум нэбгырэ 1149-рэ еплъыгъ. Я 9-рэ такъикъым ехъу­л­Iэу бысымхэм къэлапчъэм тIогъо­гогъо Iэгуаор къыдадзагъ, пчъагъэр 2:0 хъугъэ. Нэужми ащ ифутболистхэр дахэу джэгущтыгъэх, ыпэкIэ илъыщтыгъэх. Мы уахътэм «Зэкъошныгъэм» хэукъо­ныгъабэ ышIыгъ. Я 26-рэ такъи­къым Таганрог икомандэ пчъагъэр 3:0 ышIыгъ. Я 43-рэ такъи­къым Мыекъуапэ ифутболистхэм къэлапчъэм Iэгуаор дадзагъ, ау ащ нахьыбэ афызэшIокIыгъэп, пчъагъэр 3:1-у зэукIэгъур аухыгъ.
— Къэлапчъэм Iэгуаор дэты­дзэнымкIэ амалышIухэр тиIагъэх, ау зэ нахьыбэ къыддэхъугъэп. ТапэкIэ Iоф зыдэтшIэн фэе лъэныкъуабэ щыI. Арышъ, тиешIакIэ зэредгъэхъущтым тыпылъыщт, — къыIуагъ «Зэкъошныгъэм» итренер шъхьаIэу Сергей Мирошниченкэм.
Я 33-рэ турым изэфэхьысыжьхэр:
«Астрахань» — «Спартак­Налщык» — 1:4, «Биолог-Новокубанск» — «Кубань Холдинг» — 1:1, «Рубин Ялта» — «Алания-2» — 3:1, «Строитель» — «Ангушт» — 4:0, «Форте» — «Зэкъошныгъ» — 3:1, «Рос­тов-2» — «Легион» — 0:1, «Динамо Ставрополь» — «Севастополь» — 2:0, «Динамо-2» — «Нарт» — 1:3.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

  1. «Форте» — 68.
  2. «Рубин Ялта» — 64.
  3. «Динамо Ставрополь» — 60.
  4. «Ростов-2» — 60.
  5. «Легион» — 59.
  6. «Севастополь» — 55.
  7. «Астрахань» — 46.
  8. «Строитель» — 45.
  9. «Нарт» — 41.
  10. «Зэкъошныгъ» — 39.
  11. «Ангушт» — 38.
  12. «Спартак-Налщык» — 37.
  13. «Кубань Холдинг» — 34.
  14. «Биолог-Новокубанск» — 30.
  15. «Победа» — 30.
  16. «Алания-2» — 17.
  17. «Динамо-2» — 14.