СамбэмкIэ Урысые зэнэкъокъухэр къалэу Курганинскэ щыкIуагъэх. Дунаим, тIогъогогъо Европэм ячемпионэу, Урысыем спортымкIэ изаслуженнэ мастерэу А.М. Агамирян ишIухьафтын зэрылъ турнирым ­Адыгеим илIыкIохэм дэгъоу зыкъыщагъэлъэгъуагъ, хагъэунэфыкIырэ чIыпIэхэр къыщыдахыгъэх.

Килограмм 71-рэ къэзыщэчыхэрэм якуп щыбэнэгъэ Анцокъо Амир текIоныгъэр къыдихыгъ ыкIи Урысыем спортым имастер хъунымкIэ шапхъэр ыгъэцэкIагъ. Ащ итренерых А. Делэкъомрэ А. Хьабэхъумрэ. Джащ фэдэу Ингуш Владимир дышъэ медаль къыхьыгъ (тренерыр Р. Беданэкъор). ЯтIонэрэ хъугъэх Тыгъужъ Тимуррэ Хьа­къуй Амиррэ (зыгъасэхэрэр А. Делэкъор, А. Хьабэхъур, А. Гъом­лэшкыр). Джэрз медальхэр къафагъэшъошагъэх Тыгъужъ ТIахьир, Наш Расул ыкIи Шахьан Мурадин (тренерхэр А. Хьабэхъур, Р. Джарымэкъор, А. Джарымэкъор, ­
Б. Боджэкъор).
Тиспортсменхэм ыкIи ахэр зыгъасэхэрэм тафэгушIо, тапэкIи мыщ фэдэ гъэхъэгъэшIухэр ашIынхэу, Адыгеим ыцIэ дахэкIэ рарагъэIонэу афэтэIо.