ШэкIогъум и 8-р хэгъэгу кIоцI IофхэмкIэ къулыкъухэм яIофышIэхэу япшъэрылъ агъэцакIэзэ зидунай зыхъо­жьы­гъэхэм я Маф.

Ащ епхыгъэу Мыекъопэ районым и Къэралыгъо автоинспекторхэм пат­риотическэ Iофхьабзэ кIэ­лэеджакIохэм афызэхащагъ.
Хэгъэгу кIоцI IофхэмкIэ отделым иIофышIэхэу зы­псэ зыгъэтIылъыгъэхэм якъэбархэр щысэу къафахьыгъэх, хъугъэ-шIагъэу зыхэфагъэхэр, къулыкъу­шIэхэр чIыпIэ зэфэшъхьа­фэу зэрыфэхэрэм елъыты­гъэу япшъэрылъхэр зэ­ра­гъэцакIэхэрэр, апсэ емыб­лэжьхэу хэбзэукъоныгъэ­хэм зэрапэуцужьыхэрэр къафаIотагъ.
Полицием Iоф щыпшIэныр зэрэкъиныр ыкIи зэ­рэщынагъор къыткIэхъу­хьэрэ ныбжьыкIэхэм къагурыIонымкIэ мыщ фэдэ зэдэгущыIэгъухэм яшIуагъэ къызэрэкIощтым инспекторхэм яцыхьэ телъ. Ащ дакIоу хэбзэухъума­кIохэм лIыгъэу ыкIи лIы­хъужъныгъэу къахафэ­хэрэм ягугъу тшIы къэс патриотизмэм имэхьанэ ныбжьыкIэхэм нахь зэха­шIэ, лIыхъужъэу къызэ­рэмыхъухэрэр, ау зэрэ­хъухэрэр къагурэIо.