Лъэпкъ проектэу «Щынэгъончъэ ыкIи шэпхъэшIухэм адиштэрэ гъогухэр» зыфиIорэм къыдыхэлъытагъэу, онлайн-олимпиадэу «Щынэгъончъэ гъогухэр» зыфиIоу
егъэджэн платформэу Учи.ру щыкIуагъэм изэфэхьы­сыжьхэр ашIыгъэх.

КIэлэеджакIохэр щынэгъончъэу гъогум зэрэщызекIощтхэмкIэ, шапхъэхэр зэрагъэшIэнхэмкIэ яшIэны­гъэхэм ыкIи яIэпэIэсэныгъэ ахагъэхъоным олимпиадэр фэIорышIэ.
Адыгеим икIэлэеджэкIо мин 32-м ехъу мыщ хэлэжьагъ. Ар 2023-рэ илъэ­сым ебгъапшэмэ, нэбгырэ мини 6 фэдизкIэ нахьыб. Илъэс къэс олимпиадэр ныбжьыкIэ цIыкIухэм нахь ашIогъэшIэгъон мэхъу, ащ епхыгъэу гъогурыкIоным ишапхъэхэми хэшIыкIэу фыряIэм нахь хэхъо.
Гъогум узэрыфэн ылъэ­кIыщт чIыпIэ зэфэшъхьафхэм ящысэхэмкIэ олимпиадэм хэлажьэхэ-
рэм заушэтын амал яIагъ: лъэсрыкIоу ыкIи пассажирэу, кушъхьэфачъэр ыкIи СИМ-р зэрафэу.
Iофтхьабзэм изэфэхьысыжьхэм къызэрагъэлъэгъуагъэмкIэ, республикэм икIэлэеджэкIо 9857-мэ текIоныгъэ къыдахыгъ.