Хэгъэгу кIоцI IофхэмкIэ къулыкъухэм яIофышIэхэу ыкIи яветеранхэу лъытэныгъэ зыфэтшIыхэрэр!

Шъуисэнэхьат епхыгъэ мэфэкIым фэшI тышъуфэгушIо!
Непэ тэгъашIох теубытагъэ зыхэлъ цIыф лъэшхэу ыкIи зышъхьамысыжьхэу республикэм иобщественнэ-зыпкъитыныгъэ, цIыфхэм ярэхьатныгъэ, ящынэ­гъончъагъэ япхыгъэ IофшIэныр зыгъэцакIэхэрэр.
Полицием иIофышIэхэм пшъэдэкIыжь ин зыхэлъ къулыкъу пшъэрылъхэр агъэцакIэхэзэ, бзэджэшIа­гъэхэм апэуцужьых, цIыфхэм яфитыныгъэхэмрэ яшъхьафитыныгъэрэ къаухъумэх, хэбзэгъэуцугъэу щыIэхэр укъуагъэ мыхъунхэмкIэ Iофтхьэбзэ зэфэ­шъхьафхэр зэшIуахых.
Хэгъэгу кIоцI IофхэмкIэ къулыкъум щылажьэхэрэм яIэпэIэсэныгъэ, ягуетыныгъэ ыкIи яблэнагъэ тапэкIи обществэм ихэхъоныгъэ зэрэфагъэIорышIэщтым тицыхьэ телъ.
Адыгэ Республикэм хэгъэгу кIоцI IофхэмкIэ и Министерствэ щылэжьэрэ пстэуми инэу тафэраз тишъолъыр ихэхъоныгъэ яIахьышхо зэрэхашIыхьэрэм пае.
Анахьэу къыхэдгъэщынхэу тызыфаер МВД-м иветеранхэр ары. Ахэр яшIэныгъэкIи, ясэнаущыгъэкIи IофышIэ ныбжьыкIэхэм адэгуащэх, хэбзэ шIагъоу къулыкъум иIэхэр укъуагъэ мыхъунхэм анаIэ тырагъэты.
ШъуимэфэкI ехъулIэу зэкIэми тышъуфэлъаIо псау­ныгъэ пытэ, щыIэкIэшIу шъуиIэнэу, Хэгъэгум ыпа­шъхьэкIэ пшъэрылъэу шъуиIэхэр щытхъу хэлъэу жъугъэцэкIэнхэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр