ГандболымкIэ Урысыем и Суперлигэ хэт «АГУ-Адыифым» Мыекъуапэ щыриIэгъэ зэIукIэгъур шIуахьыгъ нахь мышIэми, типшъашъэхэм ешIэкIэ дахэ къагъэлъэгъуагъ. Къалэу Звенигород икомандэу «Звездар» тихьэкIагъ.

«АГУ-Адыиф» — «Звезда» — 24:25 (12:12).
«АГУ-Адыифым» хэтыгъэх: къэлэпчъэIутхэр — Пивневар, Гобадзе, Баскаковар. Къэбжьыр — 8, Суздальцевар — 7, Селиверстовар — 2, Бондаренкэр — 2 , Коваленкэр — 2, Коблыр — 1, Краснокутскаяр — 1, Тишинар — 1, Болоба.
«Звездам» щешIагъэх: къэ­лъэпчъэIутхэр — Лебедевар, Долгих, Тихановар. Егоровар — 7, Бельчиковар — 6, Вертушковар — 4, Триобчук — 2, Пензевар — 2, Герасимовар — 2, Обуховскаяр — 1, Миленинар — 1.
«АГУ-Адыифым» мыщ фэдэ ешIакIэ къыгъэлъэгъоным хьакIэ­хэр щыгугъыгъэхэп. Апэрэ та­къикъхэм къащегъэжьагъэу тигандболисткэхэр ыпэкIэ илъыщтыгъэх, зэгурыIохэу джэгущтыгъэх. ЦIыфэу къэзэрэугъоигъэхэм пенальти 17, командэхэм яешIэкIэ дахэ алъэгъугъ. ЗэIукIэгъум икIэ­ух Снежана Вертушковам къэлапчъэм Iэгуар дидзи, хьакIэхэр ыпэ ишъыгъэх. Зы такъикъ тешIагъэу тикомандэ икапитанэу Кобл Зуретэ пенальти къылэжьыгъ, Къэбжь Заремэ ар дэгъоу ыгъэцэкIагъ, къэлапчъэм Iэгуаор дидзи, пчъагъэр зэфэдиз ышIыгъ. Ау «Звездар» ащ къезэгъыгъэп, аужырэ Iэгуаор дедзэ ыкIи текIоныгъэр къыдехы.
Марианна Егоровамрэ («Звезда») Тамара Гобадзерэ («АГУ— Адыиф») ешIэкIо анахь дэгъухэу къыхагъэщыгъэх.
Я 10-рэ турым изэфэхьысыжьхэр:
«ЦСКА» — «Ростов-Дон» — 23:26, «Астраханочка» — «Лада» — 28:28, «АГУ-Адыиф» — «Звезда» — 24:25, «Динамо-Синара» — «Университет» — 38:25, «Черноморочка» — «Луч» — 28:27.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Ростов-Дон» — 20.
2. «Астраханочка» — 16.
3. «Черноморочка» — 16.
4. «ЦСКА» — 14.
5. «Кубань» — 11.
6. «Лада» — 11.
7. «Динамо-Синара» — 7.
8. «Звезда» — 7.
9. «Луч» — 6.
10. «АГУ-Адыиф» — 2.
11. «Университет» — 0.
    КъыкIэлъыкIощт зэIукIэгъур «АГУ-Адыифым» Новороссийскэ щыриIэщт, шэкIогъум и 10-м «Чер­номорочкэм» дешIэщт.