Нэбгырэ 681-рэ хэлэжьагъ
Спорт ориентированиемкIэ къэралыгъом ичемпионатрэ Урысые зэнэкъокъухэмрэ республикэм икъэлэ шъхьаIэ ыкIи Мыекъопэ районым ащыкIуагъэх.
Урысыем ичемпионат шъолъыр 31-мэ къарыкIыгъэ лIыкIохэм зыщаушэтыгъ. Лъэныкъохэу «кросс-классика» ыкIи «кросс-лонг» зыфиIохэрэмкIэ ахэр зэнэкъокъугъэх. Метрэ 7600-рэ зэрылъ гъогууанэр анахь псынкIэу къэзыкIугъэр Владимирскэ хэкум щыщ Марк Тутыниныр ары. Бзылъфыгъэхэм якуп ащытекIуагъ Нижегородскэ хэкур къэзыгъэлъэгъогъэ Ксения Бесхмельновар. Лъэныкъоу «кросс-лонгым» илъ метрэ 10800-р анахь псынкIэу къэзыкIугъэр Приморскэ краим щыпсэурэ Валентин Козявиныр ары. Бзылъфыгъэхэм къахэщыгъ спортымкIэ дунэе класс зиIэ мастерэу Юлия Новиковар (Нижегородскэ хэкур). ЗэкIэмкIи зэнэкъокъухэм нэбгырэ 681-рэ ахэлэжьагъ.
Iофтхьабзэхэм кIэщакIо афэхъугъэх УФ-м спортымкIэ и Министерствэ, Урысыем спорт ориентированиемкIэ и Федерацие ыкIи Адыгеим физическэ культурэмрэ спортымрэкIэ и Комитет.