БаскетболымкIэ ыкIи волейболымкIэ Урысыем ичемпионат иапшъэрэ лигэ хэт хъулъфыгъэ командэхэм яешIэгъухэр мы зыгъэпсэфыгъо мафэхэм щыIэщтых. Мы спорт лъэпкъитIумкIи республикэр къэзыгъэлъагъор «Динамо-МГТУ».

Тибаскетболистхэр тIогъогогъо Курскэ икомандэу «Русичи» дешIэщтых, шэкIогъум и 9 – 10-м. Волейболистхэр Ставрополь ыкIи Краснодар крайхэм ялIыкIохэм аIукIэщтых: шэкIогъум и 9-м – «Колосым», шэкIогъум и 10-м – «Динская-РЦСП-м». ЗэIукIэгъу­хэр спорт комплексэу «Ошъутенэм» щыкIощтых, учIэхьаным пае ыпкIэ лъыптын ищыкIагъэп.