Теннис цIыкIумкIэ Адыгэ Республикэм изэIухыгъэ зэнэкъокъу Мыекъуапэ щыкIуагъ. Ящэнэрэу зэхащэгъэ турнирым илъэси 7-м щегъэжьагъэу 18-м нэс зыныбжь спортсменхэр хэлэжьагъэх. Программэу «Урысыем инеущырэ маф» зыфиIорэм къыдыхэлъытагъэу ар рагъэкIокIыгъ, къэралыгъом ишъолъыри 9-м къарыкIыгъэ лIыкIохэм заушэтыгъ.

Краснодар ыкIи Ставрополь крайхэм яспортсменхэм текIоныгъэр къыдахыгъ. Джащ фэдэу Курскэ хэкум къикIыгъэхэм хагъэунэфыкIырэ чIыпIэхэр афагъэ­шъошагъэх.
Адыгеир къэзыгъэлъэгъогъэхэ Адам Матюшинымрэ Ирина Славновамрэ я 11-рэ ыкIи я 16-рэ чIыпIэхэр къахьыгъэх. Зыныбжь илъэс 14-м нэмысыгъэхэм якуп хэтыгъэ Артем Вариводиныр я 9-рэ хъугъэ, Вероника Ивановам я 18-рэ чIыпIэр къыфагъэшъо­шагъ. Джащ фэдэу, аныбжь елъы­тыгъэу, псэупIэу Яблоновскэм щыщ Валерий Зиньтяевым я 6-рэ чIыпIэр къыдихыгъ, Мыекъуапэ илIыкIоу Гъыдзэ Самирэ я 16-рэ хъугъэ.

Iофтхьабзэм спортсмен 311-рэ хэлэжьагъ, къыкIэлъыкIощт мыщ фэдэ зэнэкъокъур тыгъэгъазэм ыкIэм Мыекъуапэ щызэхащэщт.