ТхэкIо ныбжьыкIэу Славяна Бушневам итхылъэу «История о Снежике, Фатимочке и Лидочке» зыфиIорэр къыдэкIыгъ. Адыгэ республикэм икIэлэцIыкIу тхылъеджапIэ шэкIогъум и 3-м къыщегъэжьагъэу ар къызщыIэкIэбгъэхьан плъэкIыщт.

— Лъэшэу сигуапэ хъугъэ Адыгэ республикэ кIэлэцIыкIу тхылъ­еджапIэм ситхылъэу «История о Снежике, Фатимочке и Лидочке» зыфиIорэр Эдуард Успенскэм ыцIэкIэ агъэнэфэгъэ шIухьафтынэу «Большая сказка» зыфиIорэм икъыдэхын хэлэжьэнэу зэригъэхьыгъэр. Премием кIэщакIо фэхъугъэх УФ-м культурэмкIэ и Министерствэ, Урысые къэралыгъо кIэлэцIыкIу тхылъеджапIэр, Э. Н. Успенскэм иунагъо, нэмыкIхэри.
Мы тхылъым лъэпкъ зэфэшъхьафхэм къахэкIыгъэ пшъэшъэжъыехэм къяхъу­лIэрэ хъугъэ-шIагъэхэр къыщеIуатэх. Адыгэ пшъэшъэжъыеу Фатимэ, къэзэкъ пшъэшъэжъыеу Лидочкэ, ос цIыф цIыкIоу Снежика, мэзпэсым ипшъашъэу Ланочкэ, мэзым иIофышIэ ипхъорэлъфэу Флорочкэ ыкIи цирк унагъом къыхэкIыгъэ пшъэшъэжъыеу Славочкэ гъогоу къа­кIурэр къыщеIуатэ. Пшъэшъэжъыехэм Къыблэ Кавказым ит псэупIэхэм адэсхэм IэпыIэгъу афэхъуным пае куп зэхащэ, пшъэрылъхэр зыфагъэуцужьхэзэ ар агъэцакIэ.
Шъугу къэдгъэкIыжьын, Славяна Бушневам мыр ияплIэнэрэ тхылъ. ЫпэкIэ тхылъ цIыкIухэу «История о Снежике, Горике и Егорике», «Новые приключения Снежика, Горика и Егорика», «Новые друзья Снежика, Горика и Егорика» (пчъагъэу зэтеутыгъэу), «История о Снежике, Фатимочке и Лидочке» къы­дигъэкIыгъэх.

ДЕЛЭКЪО Анет.
Сурэтыр: Славяна Бушневам ихъарзынэщ.