ИшIэныгъэхэр Екатеринбург къыщигъэлъэгъощтых
Адыгеим щыщ шIэныгъэлэжь ныбжьыкIэу Дмитрий Шумиловыр Екатеринбург щыкIощт Iофтхьабзэу «Science Slam» зыфиIорэм хэлэжьэщт.
Адыгэ къэралыгъо университетым щызэхащэгъэ шIэныгъэ зэнэкъокъоу «Science Slam» зыфиIорэм Дмитрий текIоныгъэ къыщыдихыгъ ыкIи республикэмкIэ апэрэу урысые университет лигэм ишъолъыр уцугъо хэлэжьэнэу къыхахыгъ.
Дмитрии Шумиловыр биологие шIэныгъэхэмкIэ кандидат, Адыгэ къэралыгъо университетым и Научнэ-ушэтын институт медико-биологическэ гумэкIыгъохэмкIэ иотдел иIофышIэ шъхьаI. «Science Slam-м» ятIонэрэу хэлажьэ.
Зэнэкъокъум къыдыхэлъытагъэу мыщ хэлажьэхэрэм яIофшIагъэхэр такъикъи 10 къагъэлъэгъощт, упчIищмэ яджэуапхэр къаратыжьыщт. 2024-рэ илъэсыр пштэмэ, университет зэнэкъокъу 80-м ехъу зэхащэнэу агъэнафэ. АщкIэ Урысые Федерацием шIэныгъэмкIэ ыкIи апшъэрэ гъэсэныгъэмкIэ и Министерствэ яIэпыIэгъущт. Ахэм текIоныгъэ къащыдэзыхыхэрэм джыри зэ ахэплъэжьыщтых, ятIонэрэ уцугъом ихьащтыр нэбгырэ 60 ныIэп. Шъолъыр куп пчъагъэу ахэр зэтеутыгъэщт, Дмитрий шэкIогъум и 7-м Екатеринбург щыкIощтым хэлэжьэщт.
Адыгэ къэралыгъо университетым
ипресс-къулыкъу.