ШэкIогъум и 4-р – лъэпкъ зыкIыныгъэм и Маф
Адыгэ Республикэм щыпсэухэу лъытэныгъэ зыфэтшIыхэрэр!
ТичIыпIэгъу лъапIэхэр!
Лъэпкъ зыкIыныгъэм и Мафэ фэшI тышъуфэгушIо!
Урысыем щыпсэурэ цIыф лъэпкъ зэфэшъхьафыбэмэ языкIыныгъэ итамыгъэу щыт мы мэфэкIым къеушыхьаты уи Хэгъэгу уфэшъыпкъэн, гухэлъышIухэм япхырыщынкIэ узэкъоуцон зэрэфаер.
1612-рэ илъэсым щыIэгъэ тарихъ хъугъэ-шIагъэу Польшэм итехэкIо кIуачIэхэм Москва къаIэкIэхыжьыгъэным епхыгъэм лъапсэ фэхъугъэр тицIыфхэм я Хэгъэгу фыряIэ шIулъэгъумрэ язэдегъэштэныгъэрэ.
Дышъэ хьарыфхэмкIэ а текIоныгъэр тихэгъэгу итарихъ хэтхагъэ хъугъэ ыкIи ицыхьэ зытелъыжьэу ыпэкIэ лъыкIотэнымкIэ, хэхъоныгъэ ышIынымкIэ ащ ишIогъэшхо къэкIуагъ.
Непэ зыкIыныгъэмрэ зэкъотныгъэмрэ яхэбзэ шIагъохэм тадэмыхэу гумэкIыгъоу къытфыкъокIыхэрэм, Украинэм инеонацистхэм тапэуцужьы.
Джащ фэдэу тапэкIи ткIуачIэ зэхэлъмэ Урысые Федерациер нахь пытэ зэрэхъущтым, ащ изы Iахьэу щыт Адыгэ Республикэм щыIэкIэшIу зэрилъыщтым тицыхьэ телъ.
ТичIыпIэгъу лъапIэхэр, зэкIэми тышъуфэлъаIо псауныгъэ пытэ шъуиIэнэу, ти Хэгъэгу нахь пытэ, нахь зэтегъэпсыхьагъэ хъуным пае джыри гъэхъэгъакIэхэр шъушIынхэу!
Адыгэ Республикэм и ЛIышъхьэу, Урысые политическэ партиеу «Единэ Россием» и Адыгэ шъолъыр къутамэ и Секретарэу
КъумпIыл Мурат
Адыгэ Республикэм и Къэралыгъо Совет — Хасэм и Тхьаматэу
Владимир Нарожнэр