Къэрэщэе-Черкесием икъэлэ шъхьа­Iэ дэт унэхэу фэтэрыбэу зэхэтхэм ащыщ горэм тыгъуасэ пчэдыжьым газыр къыщыуагъ. Ащ къыхэкIэу нэбгыри 5 хэкIодагъ, нэбгырэ заулэ фыкъуагъэ хъугъэ.
Адыгеим и ЛIышъхьэу КъумпIыл Мурат къинышхоу къафыкъокIыгъэм пае тхьаусыхэ тхылъэу афигъэхьы­гъэм мырэущтэу къыщеIо: «Адыгеим щыпсэухэрэм ацIэкIи, сэ сшъхьэкIи КъЧР-м и ЛIышъхьэу Темрезов Рэщыдэ, хэкIодагъэхэм яунагъохэм ыкIи яIахьылхэм сафэтхьаусыхэ. Фыкъуагъэ зиIэ пстэуми япсауныгъэ псынкIэу зыпкъ иуцо­жьынэу сафэлъаIо».