Теннис цIыкIумкIэ Адыгеим изэIухыгъэ турнир ящэнэрэу Мыекъуапэ щэкIо. Программэу «Уры­сыем инеущырэ маф» зыфиIорэм къыдыхэлъытагъэу ар рагъэкIокIы, къэралыгъом ишъо­лъыри 10-м ехъумэ ялIыкIохэр хэлажьэх. Аныбжь елъытыгъэу ахэр гощыгъэх.

Зыныбжь илъэс 12-м нэмысыгъэхэм язэнэкъокъу текIоныгъэр къащыдахыгъ Краснодар краим ипсэупIэу Мостовскоим щыщ Арсений Семеновымрэ Шытхьалэ къэзыгъэлъэгъорэ Арина Евсюковамрэ. Адыгеим испортсменхэу къэгъэлъэгъон анахь дэгъу зиIэхэр Адам Матюшиныр (я 11-рэ чIыпIэр) ыкIи Ирина Славновар (я 16-рэ чIыпIэр).
Зыныбжь илъэс 14-м шIомыкIыгъэхэр непэ хагъэунэфыкIырэ чIыпIэхэм афэбэнэщтых.
Адыгэ къэралыгъо университетым иордэунэу Кобл Якъубэ ыцIэ зыхьырэм турнирыр щэкIо, пчэдыжьым сыхьатыр 10-м щегъэжьа­гъэу пчыхьэм 7-м нэс спортсменхэр зэнэкъокъух.