ФутболымкIэ Адыгэ Республикэм икIымэфэ чемпионатрэ ипервенствэрэ ахэлэжьэнхэ гухэлъ зиIэ командэхэм ялъэIу тхылъхэм яштэн АР-м футболымкIэ и Федерацие ригъэжьагъ, ар шэкIогъум и 20-м нэс кIощт. Ежь зэнэкъокъухэр шэкIогъум и 30-м рагъэжьэщтых.

Илъэс къэс зэхащэрэ зэнэкъокъухэм командэ 30 фэдиз ахэлажьэ, ахэм ветеранхэр къэзыгъэлъагъохэри ахэтых. Джырэ уахътэм лигэ зэфэшъхьафхэм ячемпионых командэхэу «Дорожник», «Ошъутен» ыкIи «Урожай» зыфиIохэрэр.