Теннис цIыкIумкIэ зэнэкъокъухэр Адыгэ къэралыгъо университетым иордэунэу Кобл Якъубэ ыцIэ зыхьырэм щэкIох.

Турнирым иапэрэ мафэ спортсмен 74-мэ заушэтыгъ. Адыгеим имызакъоу, Краснодар ыкIи Ставрополь крайхэм, Курскэ хэкум, Донецкэ Народнэ Республикэм, Къэбэртэе-Бэлъкъарым ыкIи Абхъа­зым ялIыкIохэр зэнэкъокъугъэх.

Зэфэхьысыжьхэм къызэрагъэлъэгъуагъэмкIэ, Шытхьалэ щыщ Арина Евсюковам текIоныгъэр къыдихыгъ. Iофтхьабзэр шэкIогъум и 2-м нэс кIощт.