ФутболымкIэ Урысыем изэнэкъокъу иятIонэрэ лигэ хэт «Зэкъошныгъэм» зичэзыу ешIэгъоу Ялтэ щыриIагъэр шIуахьыгъ.

«Рубин Ялта» — «Зэ­къошныгъ» — 1:0 (1:0).
Къэлапчъэм Iэгуаор дэзы­дзагъэр: Г. Санакоевыр.
«Рубин Ялтэм» хэтыгъэх: Н. Колесовыр, М. Тарасенкэр, С. Шестаковыр, Г. Санакоевыр, А. Егоровыр, С. Папазян, В. Скавыш, В. Зубавленкэр, Н. Кавериныр, В. Пурак, Ю. Мак­симовыр.
Тренер шъхьаIэр: А. Гра­чевыр.
«Зэкъошныгъэм» щешIагъэх: Т. Хачировыр, И. Абдуллаевыр, И. Оразаевыр, Д. Савиных, М. Ягьяевыр, З. Коблыр, А. Малкандуевыр (Ш. Гайдаровыр), К. Юшко, Н. Сергеевыр (Д. Анто­ненкэр), Г. Абдуллаевыр, А. Де­лэкъор (У. Магомедбековыр).
Тренер шъхьаIэр: С. Мирошниченкэр.
Стадионэу «Авангард» зыфиIорэм щыкIогъэ ешIэгъум цIыфыбэ еплъыгъ, зэкIэмкIи нэбгырэ 1475-рэ. Мы уахътэм Мые­къопэ «Зэкъошныгъэр» я 10-рэ чIыпIэм щытыгъ нахь мышIэми, ыпэкIэ мы командэм дыриIэгъэ зэIукIэгъуищри къыхьыгъ. Аужырэ ешIэгъоу мы илъэсым имэкъу­огъум яIагъэм тифутболистхэр нахь щылъэшыгъэх, пчъагъэр — 3:0. Ау мызыгъэгум ялтинцэхэр дэгъоу джэгугъэх, Георгий Санакоевым къэлапчъэм Iэгуар ди­дзагъ ыкIи 1:0-у бысымхэм те­кIоныгъэр къыдахыгъ.
— ЕшIэгъум изэфэхьысыжьхэм сагъэрэзагъэп, ау командэр зэ­решIагъэмкIэ, футболистхэр зэ­рэбэнагъэхэмкIэ упчIэ сиIэп, — къыIуагъ «Зэкъошныгъэм» итре­­нер шъхьаIэу Сергей Мирошниченкэм.
Я 31-рэ турым изэфэхьысыжьхэр:
«Астрахань» — «Севастополь» — 5:2, «Строитель» — «Нарт» — 2:1, «Кубань Холдинг» — «Победа» — 1:1, «Рубин Ялта» — «Зэкъошныгъ» — 1:0, «Ростов-2» — «Биолог-Новокубанск» — 2:1, «Алания-2» — «Ангушт» — 0:1, «Динамо-2» — «Спартак-Налщык» — 0:2.
Командэхэр зыдэщыт чIыпIэхэр ыкIи очко
пчъагъэу рагъэкъугъэр:

1. «Форте» — 59.
2. «Рубин Ялта» — 58.
3. «Динамо Ставрополь»
   — 57.
4. «Ростов-2» — 57.
5. «Легион» — 53.
6. «Севастополь» — 52.
7. «Астрахань» — 43.
8. «Строитель» — 42.
9. «Ангушт» — 38.
10. «Нарт» — 38.
11. «Зэкъошныгъ» — 36.
12. «Спартак-Налщык» — 34.
13. «Кубань Холдинг» — 33.
14. «Биолог-Новокубанск»
    — 29.
15. «Победа» — 27.
16. «Алания-2» — 17.
17. «Динамо-2» — 14.
    КъыкIэлъыкIощт зэIукIэгъур «Зэкъошныгъэм» Мыекъуапэ щыриIэщт, шэкIогъум и 2-м коман­дэу «Строитель» тихьакIэщт.