Лъэныкъо зэфэшъхьафхэмкIэ зэнэкъокъугъэх
Адыгэ Республикэм ипрофсоюзхэм яфедерацие и Спартакиадэ Мыекъуапэ щыкIуагъ.
Ащ хэлэжьагъэхэр футбол цIыкIумкIэ, волейболымкIэ, стритболымкIэ, теннис цIыкIумкIэ, есынымкIэ ыкIи щэрыонымкIэ зэнэкъокъугъэх. ЗэкIэмкIи нэбгырэ 200 фэдизмэ заушэтыгъ.
Адыгеим ипрофсоюзхэм яфедерацие итхьаматэу Устэ Руслъан Iофтхьабзэр къызэIуихыгъ. Спортым ыкIи физическэ культурэм хэхъоныгъэ ашIыныр, мыщ пыщагъэхэм япчъагъэ хэгъэхъогъэныр Спартакиадэм ипшъэрылъ шъхьаIэу зэрэщытыр ащ хигъэунэфыкIыгъ.
Зэнэкъокъухэм язэфэхьысыжьхэм къызэрагъэлъэгъуагъэмкIэ, гъэсэныгъэм исистемэ хэщагъэхэм якомандэ текIоныгъэр къыдихыгъ. Джащ фэдэу псауныгъэр къэухъумэгъэнымкIэ къулыкъухэм ыкIи къэралыгъо учреждениехэм япрофсоюз организациехэм ялIыкIохэм хагъэунэфыкIырэ чIыпIэхэр афагъэшъошагъэх.