Лэбапэ щыкIуагъ
Теннис цIыкIумкIэ Лэбэпэ районым и Кубок икъыдэхын Мыекъуапэ испортсмен ныбжьыкIэхэр хэлэжьагъэх ыкIи медали 5 къахьыгъ. Илъэси 10, 12 ыкIи 14 зыныбжьхэр ары зэнэкъокъугъэхэр.
Спорт еджапIэу С.М. Джэнчатэм ыцIэ зыхьырэм зыщызыгъэсэрэ нэбгыри 8-мэ Адыгеир къагъэлъэгъуагъ. Анахь цIыкIухэм якуп Эльдар Матюшиным текIоныгъэр къыщыдихыгъ, Бзаго Даринэ ящэнэрэ хъугъэ. Джащ фэдэу республикэм илIыкIохэу Адам Матюшиным ыкIи Кирилл Панькиным апэрэ чIыпIитIур афагъэшъошагъ, Ирина Славновам тыжьын медаль къыхьыгъ.
Программэу «Урысыем инеущырэ маф» зыфиIорэм къыдыхэлъытагъэу чъэпыогъум и 30-м щегъэжьагъэу шэкIогъум и 2-м нэс шъолъыр зэфэшъхьафхэр зыхэлэжьэщтхэ турнир Адыгеим щырагъэкIокIыщт.