ШахматхэмкIэ турнирэу Мыекъуапэ щызэхащагъэм чIыпIэ зэфэшъхьафхэм къарыкIыгъэ спортсмен 46-рэ хэлэжьагъ. Апшеронскэ, Шытхьалэ, Геленджик, Курганинскэ, республикэм икъэлэ шъхьаIэ, Мыекъопэ ыкIи Тэхъутэмыкъое районхэм ялIыкIохэм заушэтыгъ.

Зэфэхьысыжьхэм къызэрагъэлъэгъуагъэмкIэ, нэбгырищмэ очко хырых рагъэкъугъ. Ау къэгъэлъэгъон тедзэхэмкIэ текIоныгъэр къыдихыгъ Даниил Козленкэм. ХагъэунэфыкIырэ чIыпIэхэр афагъэшъошагъэх Максим Балабуевым ыкIи Александр Кадилиным.
Адыгеим шахматхэмкIэ и Федерацие идипломхэр ыкIи имедальхэр ахэм аратыжьыгъэх. Апэрэ чIыпIэр къыдэзыхыгъэм зэнэкъокъум ишIухьафтын шъхьаIэу — Роберт Шацкэм итхылъэу «Антология шахматных комбинаций» зыфиIорэр фагъэшъошагъ.