Адыгэ Республикэм и Къэралыгъо ­Совет — Хасэм ия 39-рэ зэхэсыгъо 2024-рэ илъэсым чъэпыогъум и 31-м щыIэщт.

Iофыгъоу зытегущыIэщтхэм мы къыкIэлъыкIохэрэр ахагъэхьагъэх: Адыгэ Республикэм и Законхэу «ЧIыпIэ зыгъэIорышIэжьыным ехьы­лIагъ», «ЦIыфхэмрэ хьылъэхэмрэ язещэн иIофыгъо заулэхэм язэшIохын ехьылIагъ», «НыбжьыкIэ политикэм ылъэныкъокIэ Адыгэ Рес­публикэм икъэралыгъо хабзэ икъулыкъухэм яполномочиехэм яхьылIагъ», «Тыкъэзыуцухьэрэ дунаим икъэухъумэн епхыгъэ зэфыщытыкIэхэм алъэныкъокIэ Адыгэ Республикэм икъэралыгъо хабзэ икъулыкъухэм яполномочиехэм ягъэцэ-
кIэн ехьылIагъ» зыфиIохэрэм зэхъокIыныгъэхэр афэшIыгъэнхэм афэгъэхьыгъэ законопроектхэм ятIонэрэу ахэплъэгъэныр; Адыгэ Республикэм и Законхэу «Адыгэ Республикэм IофшIэным ылъэныкъокIэ 2025-рэ илъэсым нэшэнэ гъэнэфагъэу щыIэ хъугъэхэр къэзгъэлъэгъощт коэффициентыр къидзэгъэным ехьылIагъ» зыфи­Iохэрэм апэрэу ахэплъэгъэныр; Адыгэ Респуб­ликэм и Законхэу «Адыгэ Республикэм имуниципальнэ къулыкъу ехьылIагъ», «Адыгэ Рес­публикэм 2023 – 2024-рэ илъэсхэмкIэ икъэралыгъо мылъку приватизацие зэрашIыщтым ипрограммэ ехьылIагъ», «Адыгэ Республикэм икъэралыгъо мылъку игъэзекIон ехьылIагъ», «Лъэпкъ художественнэ Iэпэщысэхэм яхьы­лIагъ», «Адыгэ Республикэм и Законэу «Унагъом, ным, тым ыкIи кIэлэцIыкIухэм якъэухъумэн ехьы­лIагъ», «ЗекIоным зегъэушъомбгъугъэнымкIэ Адыгэ Республикэм икъэралыгъо хабзэ икъулыкъухэм яполномочиехэм яхьылIагъ» зыфиIохэрэм зэхъокIыныгъэхэр афэшIыгъэнхэр ыкIи нэмыкI Iофыгъохэр.
Адыгэ Республикэм и Къэралыгъо Совет — Хасэм изэхэсыгъо пчэдыжьым сыхьатыр 10-м аублэщт, ар зыщыкIощтыр Адыгэ Республикэм и ЛIышъхьэ и Координационнэ Гупчэу Жуковскэм ыцIэкIэ щыт урамым тет унэу N 22-м хэтыр ары.
Адыгэ Республикэм и Къэралыгъо Совет — Хасэм и Тхьаматэу Владимир Нарожнэр