Игъунэгъу ыукIын мурад зэриIагъэмкIэ ыкIи нэбгыритIум шъобж­хэр зэратырищагъэмкIэ Адыгеим щыщ ­хъулъфыгъэр агъэмысэ.

УФ-м и Следственнэ комитет иследственнэ ГъэIоры­шIапIэу АР-м щыIэм и Тэ­хъутэмыкъое следственнэ от­дел къуаджэу Псэйтыку щыщ ­хъулъфыгъэм ылъэны­къокIэ къызэIуахыгъэ уголовнэ Iофым хэплъагъ.
Следствием зэригъэунэфыгъэмкIэ, 2024-рэ илъэсым мэ­къуогъум и 16-м хъулъфыгъэм игъунэгъу ыукIын гухэлъ иIэу хэбзэнчъэу ипсэупIэ ихьагъ. Ащ иунагъо исхэр къызыпэуцужьхэм ыIыгъыгъэ шъэжъыемкIэ бзылъфыгъитIум ыкIи бысымым ахэпыджагъ. IэпыIэгъу псынкIэу зэрафэхъугъэхэм ишIуагъэкIэ ахэм ящыIэныгъэ къагъэнэжьын алъэкIыгъ.
Тэхъутэмыкъое районым ипрокуратурэ зэхифыгъэ уголовнэ Iофыр хьыкумым фи­гъэхьыгъ.