Адыгэ Республикэм икъэлэ шъхьаIэ икIэлэеджакIохэм я Спар­такиадэ аублагъ.

Ащ къыдыхэлъытагъэу гъэсэныгъэм иорганизациехэм ащызэхащэгъэ командэхэр футболымкIэ зэнэкъокъугъэх.
Апэрэ купым команди 10 хэтыгъ. ТекIоныгъэр къыдэзыхыгъэр Мыекъопэ гимназиеу N 22-р ары, ятIонэрэ ыкIи ящэнэрэ чIыпIэхэр афагъэшъошагъэх лицееу N 35-м ыкIи гурыт еджапIэу N 17-м.
ЯтIонэрэ купым команди 8-мэ зыщаушэтыгъ. Мыекъопэ гимназиеу N 5-м икIэлэеджакIохэм апэрэ чIыпIэр къыдахыгъ, хагъэунэфыкIырэ чIыпIэхэр афагъэшъошагъэх гурыт еджапIэу N 10-м
ыкIи гъэсэныгъэм игупчэу N 18-м ялIыкIохэм.
Спартакиадэм ипрограммэ къыдыхэ­лъытагъэу шэкIогъум и 12-м щегъэжьагъэу и 22-м нэс теннис цIыкIумкIэ команднэ зэнэкъокъухэр рагъэкIокIыщтых.