Спорт щэрыонымкIэ Урысыем и Кубок икъыдэхын фэгъэхьыгъэ зэнэкъокъухэр чъэпыогъум и 16-м щегъэжьагъэу и 23-м нэс республикэм икъэлэ шъхьаIэ щыкIуагъэх. Зэхэзымыхырэ спортсменхэр ащ хэлэжьагъэх.

Спорт еджапIэу С. Г. Алифиренкэм ыцIэ зыхьырэм щызэхащэгъэ турнирым Урысыем ишъо­лъыри 10-м ехъумэ ялIыкIохэр хэлэжьагъэх. Адыгеим дышъэ медалитIу къыхьыгъ, тIури Мые­къуапэ щыпсэурэ Юлия Башмаковам къыфагъэшъошагъ. Лъэныкъохэу «МП-60» ыкIи «МП-60м» зыфиIохэрэм ащ текIоныгъэр къащыдихыгъ. Спортсменкэр зыгъасэрэр УФ-м изаслуженнэ тренерэу Георгий Гуляйченкэр ары.