Мыекъуапэ щыщ Екатерина Яшан спорт щэрыонымкIэ ухьазырыныгъэ дэгъу зэрэIэкIэлъыр къыщигъэшъыпкъэжьыгъ Краснодар краим и Кубок икъыдэхын фэгъэхьыгъэ зэнэкъокъум.

Пневматическэ кIэрахъомкIэ щэрыуагъэхэм ар къахэщыгъ ыкIи текIоныгъэр къыдихыгъ. Джащ фэдэу щэрыонымкIэ Мыекъопэ еджапIэм щагъэсагъэу, джырэ уахътэм Краснодар краир къэзыгъэлъэгъорэ Ирина Серебрянскаям ящэнэрэ чIыпIэр къыфагъэ­шъошагъ.