ХэушъхьафыкIыгъэ дзэ операциер зыщыкIорэ лъэ­хъаным пыим идзэ техни­кэу къызIэкIагъэхьагъэм икъэгъэлъэгъон Лениным ыцIэ зыхьырэ гупчэм непэ къыщызэIуахыщт.

МэфиплIым къыкIоцI, чъэпыогъум и 24-м щегъэжьагъэу и 27-м нэс, НАТО-м ибронетранспортерхэм, ибронеавтомобильхэм, тыди апхырыкIырэ лъэныкъуабэм атегъэпсыхьэгъэ автомобильхэм, лъэсыдзэм ыгъэфедэрэ маши­нэхэм, танкым цIыфхэр яплъынхэ алъэкIыщт.
Шъхьафэу къагъэлъэгъощтых ВСУ-м ыкIи НАТО-м агъэфедэрэ цIыф зэрымыс быбырэ пкъыгъо­хэр, Iэшэ зэфэшъхьафхэр.
ХэушъхьафыкIыгъэ дзэ опе­рацием хэлажьэхэрэм цIыфхэм къафаIотэщт НАТО-м хэхьэрэ къэралыгъохэм Украинэм къы­ратыгъэ техникэр къызэрэзIэ­кIагъэхьагъэр. Къэгъэлъэгъоным илъэхъан «дзэкIолI пщэрыхьапIэм» Iоф ышIэщт, фаехэм дзэкIолI кашэм ыкIи хьалыгъу гъэ­жъэгъакIэм яIэшIугъэ ауплъэкIун алъэкIыщт.