Хабзэ зэрэхъугъэу, республикэм имуниципалитетхэм япащэ­хэр спортым ылъэныкъокIэ гъэхъэгъэшIу зиIэ спортсменхэм афэгушIох, шIухьафтынхэр афашIых. Ахэм зэу ащыщ Зыхьэ Джамиля.

ТхэквондомкIэ Азием ипер­венствэ адыгэ пшъашъэм дышъэ медалитIу ыкIи зы тыжьын къыщихьыгъ. Зэнэ­къокъур Узбекистан щы­кIуагъ. Дунаим ипервенствэу 2025-рэ илъэсым зэхащэщтым тиреспубликэ ыкIи ти­къэралыгъо къащигъэлъэгъо­нэу ащ фитыныгъэ къыди­хыгъ.
Кощхьэблэ районым иадминистрацие ипащэу Хьамыр­зэ Заур республикэм ыцIэ дахэкIэ рязыгъэIогъэ спорт­сменкэм IукIагъ, фэгушIуагъ, щытхъу тхылърэ ахъщэ шIу­хьафтынрэ фигъэшъошагъэх.