Художественнэ гимнастикэмкIэ Адыгэ Республикэм испортсменкэ анахь лъэшхэр къэнэфагъэх.

Адыгэ къэралыгъо университетым иордэунэу Кобл Якъубэ ыцIэ зы­хьырэм ахэр мэфитIурэ щызэнэкъокъугъэх.
Пшъашъэхэм ухьазырыныгъэ дэгъу къагъэ­лъэгъуагъ, нэбгырэ пэпчъ текIоныгъэм фэбэнагъ. Ахэм яплъыгъэ цIыфхэм анахьэу ашIогъэшIэгъо­ныгъэр спортымкIэ мас­терхэм япрограммэ къыдыхэлъытэгъэ зэнэкъо­къухэр ары. Мы лъэныкъом шъолъырым испорт­сменкэ анахь лъэшхэр хэлэжьагъэх.
Унэе зэнэкъокъухэм текIоныгъэр къащыдихыгъ Мыекъуапэ щыпсэурэ Милена Капковам, ятIонэрэ чIыпIэр фагъэшъошагъ Дарья Ларио­новам, ящэнэрэ хъугъэ Анна Алексеевар. Къэлэ спорт еджапIэу N 2-м итренер-кIэлэегъаджэу Яна Цеханович пшъа­шъэхэр егъасэх.
Купхэм язэнэкъокъу апэрэ чIыпIэр къыща­хьыгъ Анна Алексеевам, Полина Иванченкэм, Ка­рина Сильченкэм, Арина Новиковам, Арина Щербаневам, Сихъу Данэ.
Спортым имастер хъун­хэмкIэ кандидатхэм, апэрэ, ятIонэрэ ыкIи ящэнэрэ спорт разрядхэр зиIэхэм язэнэкъокъу­хэм щатекIуагъэх спорт еджапIэу В. С. Максимовым ыцIэ зыхьырэм зыщызыгъасэхэрэм.