Урым-рим бэнэнымкIэ зэIухыгъэ республикэ зэнэкъокъу Чэчэным икъэлэ шъхьаIэу Грознэм щыкIуагъ.

СССР-м ыкIи Урысыем язаслуженнэ тренерэу Пазлу Умаровым ишIухьафтын зэрылъ тур­нирым хэлэжьагъ ыкIи текIоныгъэр къыщыдихыгъ Тэхъутэмыкъое районыр къэзыгъэлъэгъогъэ Мэт Айвар.
Къэралыгъом ишъолъыр зэ­фэшъхьафхэм, джащ фэдэу Урысыем ихэшыпыкIыгъэ ныбжьыкIэ командэ хэтхэм заушэтыгъ. Ахэм аныбжь илъэс 18-м шIокIырэп.
Мыщ фэдиз спортсменхэм Мэт Айвар къахэщыгъ. Килограмми 120-м нэс къэзыщэчыхэрэм якуп ар щыбэнагъ ыкIи зыIукIагъэхэм зэкIэми къашIуихьыгъ. Чем­пионыр зыгъэхьазырыгъэхэр ЛъэпцIэрышэхэу Чэсэбыйрэ Арамбыйрэ.