ГандболымкIэ Урысыем и Суперлигэ хэт «АГУ-Адыифым» Мыекъуапэ щыриIэгъэ ешIэ­гъур шIуахьыгъ.

Республикэм икъэлэ шъхьаIэ ихьэкIагъ Тольятти къэзыгъэлъэгъорэ «Ладэр».
«АГУ-Адыиф» — «Лада» — 29:34 (9:19).
«АГУ-Адыифым» хэтыгъэх: къэлэпчъэIутхэр — Гобадзе, Баскаковар. Суздальцевар — 6, Бондаренкэр — 5, Коблыр — 5, Тишинар — 4, Краснокутскаяр — 3, Къэбжьыр — 3, Селиверстовар — 2, Болоба —1.
«Ладэм» щешIагъэх: къэлъэп­чъэIутхэр — Кунцевич, Семинар. Гичевска — 6, Соковар — 5, Дворцеваяр — 5, Горшенинар — 3, Матюхинар — 3, Фоминар — 2, Блохинар — 2, Малашенкэр — 2, Миловар — 2, Жуковар — 1, Терлецкаяр — 1, Шмонинар — 1, Островскаяр — 1.
ЗэIукIэгъум ипэублэ тикомандэ къин къыщыхъугъ, хьакIэхэр нахь псынкIэу гупшысэщтыгъэх, ыпэ илъыщтыгъэх. ЕшIэгъум ия 20-рэ такъикъ ыуж пчъагъэр 14:3-у «Ладэм» ыхьыщтыгъ. Мы уахътэм дэгъу дэдэу зыкъыгъэлъэгъуагъ Тольятти икомандэ икъэлэпчъэ­Iутэу Юлия Кунцевич. ЗэIукIэ-­
гъур зэрэкIорэм ымыгъэразэу «АГУ-Адыифым» итренер шъхьа­Iэу Наталья Дерепаскэм тайм-­
аут ыштагъ. Ащ ыуж тигандболисткэхэм нахь зыкъашIэжьыгъ, къэлапчъэм Iэгуаор дадзэу рагъэ­жьагъ. Ау «Ладэр» командэ лъэш, ар ешIэгъум икIэух къыгъэшъыпкъэжьыгъ, пчъагъэр 29:34-у текIо­ныгъэр къыдихыгъ.
БысымхэмкIэ ешIэкIо анахь дэгъоу къыхагъэщыгъ Елизавета Суздальцевар, ащ къэлапчъэм Iэгоуи 6 дидзагъ. Къылэжьыгъэ тыныр къезытыжьыгъэр Мыекъуа­пэ щыщэу, олимпийскэ чемпион­кэу Виктория Калининар ары.
«АГУ-Адыифыр» я 10-рэ чIыпIэм щыт. КъыкIэлъыкIощт ешIэгъур Москва щыриIэщт, шэкIо-­
гъум и 1-м «Лучым» IукIэщт.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Ростов-Дон» — 16.
2. «Астраханочка» — 13.
3. «Черноморочка» — 12.
4. «ЦСКА» — 12.
5. «Кубань» — 11.
6. «Лада» — 10.
7. «Динамо-Синара» — 5.
8. «Звезда» — 5.
9. «Луч» — 4.
10. «АГУ-Адыиф» — 2.
11. «Университет» — 0.