Тэхъутэмыкъое районым испорт еджапIэхэм гъэхъэгъабэу яIэхэм афэшI автобусыкIэхэр аратыгъэх.

АР-м и ЛIышъхьэу КъумпIыл Мурат пшъэрылъ зэрэфишIыгъэу, Тэхъутэмыкъое район администрацием автобусищ къыщэфыгъ.
— Къуаджэу Тэхъутэмыкъуае, поселкэхэу Инэм ыкIи Яблоновскэм яспорт еджапIэхэр ары ахэр зэттыгъэхэр. Илъэсым ыкIэм нэс «Шапсыгъ» зыфиIорэ еджапIэм пае джыри зы къэтщэфыщт. Физическэ пIуныгъэмкIэ ащ мэхьанэшхо иI, — къыхигъэщыгъ районым ипащэу Шъэо Аскэр.
Ащ къызэриIуагъэмкIэ, автобусыкIэхэм спортсменхэмрэ тренерхэмрэ зэнэкъо­къухэм ахэлэжьэнхэ амалэу яIэр нахьышIу къашIыщт.