Урысые зэнэкъокъоу «Народный участковый-2024» зыфиIорэм иятIонэрэ шъолъыр уцугъо ыкIэм фэкIуагъ.

ЗэIухыгъэ онлайн-мэкъэтыным изэфэ­хьы­сыжьхэмкIэ, шъолъыр зэнэкъокъум текIоныгъэр къыщыдихыгъ Урысыем хэгъэгу кIоцI IофхэмкIэ и Министерствэ иотделэу Мыекъуапэ щыIэм полицием истаршэ уполномоченнэ участковэу, полицием имайорэу Рустам Муфта­ховым.
КъулыкъушIэм илъэс 39-рэ ыныбжь, апшъэрэ гъэсэныгъэ иI. 2009-рэ илъэсым къыщегъэжьагъэу хэгъэгу кIоцI къулыкъум хэт, полицием иучастковэу Iоф зишIэрэр илъэси 10 хъугъэ. ИIофшIэнкIэ къэгъэлъэгъон инхэр зэриIэхэм фэшI АР-м хэгъэгу кIоцI IофхэмкIэ и Министерствэ ищытхъу тхылъхэр къыфагъэшъошагъэх.
Полицием имайорэу Рустам Муфтаховым зэрилъытэрэмкIэ, цIыфхэм цыхьэ къыфашIыным лъапсэ фэхъугъэр ягумэкIыгъохэм язэшIохынкIэ гугъуемылIыныгъэ къызэрэзыхимыгъафэрэр, упчIэжьэгъу ыкIи IэпыIэгъу зэрафэхъурэр ары. Иучасткэ щыпсэухэрэм ядаохэр зэхифыхэ хъумэ, анахьэу ынаIэ зытыригъэ­тырэр кIэухышIухэр IофшIэным къыкIэлъыкIонхэр ары.
ГумэкIыгъо Iофхэр участковэхэм зэрэзэхафыхэрэм дакIоу, ахэм афэдэхэр къэмыхъунхэм фэIорышIэрэ пэшIоры­гъэшъ Iофтхьабзэхэми мэхьанэшхо араты.
Урысыем хэгъэгу кIоцI IофхэмкIэ и Министерствэ зикIэщэкIо зэнэкъокъоу «Народный участковый-2024» зыфиIорэм икIэух едзыгъо Адыгеир къыщигъэлъэгъощт полицием имайорэу Рустам Муфтаховым. Мыщ фэгъэхьыгъэ тхыгъэ нахь игъэкIотыгъэ тигъэзет къыхиу­тыщт.
КIАРЭ Фатим.
Сурэтыр: Хэгъэгу кIоцI IофхэмкIэ Ми­нистерствэр.