Илъэси 4 хьапс тыралъхьагъ
Урысыем щынэгъончъагъэмкIэ и Федеральнэ къулыкъу Адыгэ РеспубликэмкIэ и ГъэIорышIапIэ Мыекъуапэ щыщ, илъэс 39-рэ зыныбжь Станислав Шевченкэм — терроризмэм дезыгъаштэщтыгъэм игъогупэ фыпибзыкIыгъ.
ЩынэгъончъагъэмкIэ къулыкъухэм яIофышIэхэм зэрагъэунэфыгъэмкIэ, С. Н. Шевченкэм 2022 — 2023-рэ илъэсхэм Къырым лъэмыджым террористическэ акт зэрэщызэрахьагъэм, Урысыем щынэгъончъагъэмкIэ и Федеральнэ къулыкъу Краснодар краимкIэ и ГъэIорышIапIэ зычIэт унэм машIо зэрэкIадзагъэм зэрадыригъаштэрэр «Интернетым» пчъагъэрэ къыщиIуагъ.
Урысыем щынэгъончъагъэмкIэ и Федеральнэ къулыкъу Адыгэ РеспубликэмкIэ и ГъэIорышIапIэ къыIэкIэхьэгъэ материалхэр IэубытыпIэ къызыфишIыхэзэ, Урысыем и Следственнэ комитет Адыгэ РеспубликэмкIэ иследственнэ гъэIорышIапIэ Урысыем и Уголовнэ кодекс ия 205.2-рэ статья ия 2-рэ Iахь диштэу С.Н. Шевченкэм уголовнэ Iоф къыфызэIуихыгъ.
Къыблэ шъолъыр дзэ хьыкумым (къ. Ростов-на-Дону) Урысыем и Уголовнэ кодекс ия 205.2-рэ статья ия 2-рэ Iахь щыгъэнэфэгъэ бзэджэшIагъэр С.Н. Шевченкэм зэрихьагъэкIэ ылъытагъ ыкIи илъэси 4 хьапс тырилъхьагъ.
Хьыкумым унашъоу ышIыгъэм кIуачIэ иIэ хъугъэ.
Урысыем щынэгъончъагъэмкIэ и Федеральнэ къулыкъу Адыгэ РеспубликэмкIэ и ГъэIорышIапIэ ипресс-къулыкъу.