КъэучъыIынэу синоптикхэм къызэратыгъэр къыдэлъытагъэу Мыекъуапэ ипащэ унашъо ышIыгъ непэ къыщыублагъэу республикэм икъэлэ шъхьаIэ гъэфэбэгъу уахътэр щаублэнэу.

Къалэм иадминистрацие ипресс-къу­лыкъу къызэритыгъэмкIэ, социальнэ псэуалъэхэмрэ цIыф псэупIэхэмрэ чэзыу-чэзыоу фабэр аратыщт. Къызщырагъэжьэщтхэр кIэлэцIыкIу IыгъыпIэхэр, еджапIэхэр, псауныгъэр къэ­ухъумэным епхыгъэхэр ары.