ШэкIогъу мазэм Урысыем щы­псэ­ухэрэм мэфиплI хъурэ Iоф­шIэгъу тхьамафэ яIэщт. Лъэпкъ зыкIыныгъэм и Мафэ блыпэм зэрэтефэрэм къыхэкIэу IофшIэгъу тхьамафэр шэкIогъум и 5-м щегъэжьагъэу и 8-м нэс кIощт.

Ау чъэпыогъум иаужырэ IофшIэгъу тхьамафэр мэфих хъущт, чъэпыогъум и 28-м щегъэжьагъэу шэкIогъум и 2-м нэс. ШэкIогъум и 2-м, шэмбэтым, Iоф­шIэгъу уахътэр гъэкIэкIыгъэу щытыщт.
Шъугу къэдгъэкIыжьын, зыгъэпсэфыгъо мафэу шэкIогъум и 2-р мэлылъфэгъум и 30-м ахьыгъагъ мэлылъфэгъум и 28-м щегъэжьагъэу жъоныгъуакIэм и 1-м нэс зыгъэпсэфыгъо мафэхэм зэпычыгъо афэмыхъуным фэшI.
Чъэпыогъум икъихьагъухэм УФ-м IофшIэнымкIэ и Министерствэ 2025-рэ илъэсым мэфэкIэу щыIэщтхэм яграфик къытыгъ. Ащ къызэригъэнафэрэмкIэ, щылэ мазэм и 4-р ыкIи и 5-р шэмбэтым ыкIи тхьаумафэм зэратефэхэрэм къы­хэ­кIэу мы мафэхэр жъоныгъуакIэм и 2-м, бэрэскэшхом ыкIи тыгъэгъазэм и 31-м, бэрэскэжъыем ахьыгъэх. Ащ къы­хэкIэу илъэсыкIэ зыгъэпсэфыгъохэр мэфэ 11-рэ кIощтых — тыгъэгъазэм и 29-м къыщегъэжьагъэу щылэ мазэм и 8-м нэс.
Зыгъэпсэфыгъо кIыхьэхэр жъоныгъокIэ мэфэкIхэм атефэу щыIэщтых, мэфи 8-рэ ар кIощт. Мэзаем и 23-р тхьаума­фэу зэрэтефэрэм къыхэкIэу жъоныгъуа­кIэм и 8-р зыгъэпсэфыгъо мафэу агъэнэ­фагъ. Ащ пае жъоныгъуакIэм и 1-м щегъэжьагъэу и 4-м нэс ыкIи жъоныгъуакIэм и 8-м щегъэжьагъэу и 11-м нэс зыгъэпсэфыгъоу щытыщт.
Мэкъуогъум мэфиплIырэ зэлъыпытэу зыдгъэпсэфыщт, гъэтхапэм и 8-р зыгъэ­псэфыгъоу зэрэщытым къыхэкIэу мэкъу­огъум и 13-м ахьыгъ. Ащ къыхэкIэу мэкъуогъум и 12-м щегъэжьагъэу и 15-м нэс зыдгъэпсэфыщт.