Апшъэрэ классхэм яеджакlохэм апае «Россети Кубань» «Энергокружки» зыфиlорэ егъэджэнхэр ыублагъэх. Я 9-рэ классхэм арысхэм физикэр нахь куоу зэрагъэшlэным ар телъытагъ. lофтхьабзэр Мыекъуапэ ия 8-рэ лицей щагъэцэкlэщт.

Проектым къызэрэщыдэлъытагъэу, физикэр гъэлъэшыгъэу зэрагъэшlэщт къодыеп, зэнэкъокъухэм, джэгунхэм ахэлэжьэщтых, «Россети Кубань» илэжьапlэхэм ащэщтых, иlофышIэхэм аIукIэщтых.
— Тшlогъэшlэгъонэу проектым тыхэлэжьэщт. Игъоу ыкlи ищыкIагъэу сэлъытэ. Тикlэлэе­джакlохэри шlэныгъэ куухэм афэхьазырых, кlэу зэрагъэшlэщтым фэблэх. ЗыкъагъэлъэгъонымкIэ, къыхахыщт сэнэхьатымкlэ ащ ишIуагъэ къэкIонэу сэлъытэ, — ишIошIхэмкIэ къыд­дэгощагъ лицеим ипащэу Эмма Осерскаяр.
Егъэджэн программэм изэхэгъэуцон дэлэжьагъ энергетикэмкIэ Москва дэт институтыр. ЕджакIохэм аныбжь елъы­тыгъэ нэшанэхэр ащ къыдыхэлъыта-­
гъэх. ПстэумкIи Урысыем ишъолъыр 61-мэ илъэсыкIэ еджэгъум щыублагъэу физикэр нахь куоу ащызэрагъашIэ. ЗэкIэмкIи ныбжьыкIэ нэбгырэ минрэ ныкъорэм ехъу проектым къызэлъеубыты. Пшъэрылъыр — техническэ еджапIэхэм ахэр ачIэхьанхэр, ыужкIэ «Россети Кубань» иIофышIэ хъунхэр ары.