Зыхьэ Джамиля игъэхъагъэхэр
Кощхьэблэ районым испортсменкэу Зыхьэ Джамиля Урысыем ихэшыпыкIыгъэ командэ хэтэу тхэквондомкIэ Азием ичемпионатрэ ипервенствэрэ текIоныгъэр къащыдихыгъ.
Узбекистан щыкIогъэ зэнэкъокъухэм типшъашъэ дышъэ медалитIу ыкIи зы джэрз къащихьыгъ. Илъэс 12 – 14 зыныбжьхэм якуп ащ зыщиушэтыгъ.
Мы спорт лъэпкъымкIэ Урысыем ипервенствэу къалэу Казань щыкIуагъэм гъэхъэгъэшIухэр зэрэщишIыгъэхэм ишIуагъэкIэ IэкIыб къэралым щызэхащэгъэ турнирым ар хэлэжьагъ.
Къихьащт илъэсым тхэквондомкIэ дунаим ипервенствэ Зэхэт Араб Эмиратхэм ащыкIощт. Ащ хэлэжьэнэу ыкIи Урысыемрэ Адыгеимрэ къащигъэлъэгъонэу типшъашъэ фитыныгъэ къыди-
хыгъ.