Лъэс зекIонымкIэ Iофтхьабзэу «Дышъэ мафэхэр» зыфиIорэр чъэпыогъум и 14-м щегъэжьагъэу и 20-м нэс Мыекъуапэ щыкIощт. Ащ изэхэщакIох АР-м и Олимпийскэ Советрэ республикэм икъэлэ шъхьаIэ физическэ культурэмкIэ ыкIи спортымкIэ и Комитетрэ.

Мыекъуапэ, Адыгеим щыпсэу­хэрэм ямызакъоу, Урысыем ишъолъырхэм арысхэри мы Iоф­тхьабзэм хэлэжьэнхэ алъэкIыщт.
Мызыгъогум Iофтхьабзэм хэлажьэхэрэм пшъэрылъэу яIэр мэфиблым къыкIоцI лъэбэкъу мини 100 къакIуныр ары. Ар зыгъэцакIэхэрэм зэкIэми дипломхэр афагъэшъошэщтых. Джащ фэдэу марафоным къыдыхэлъы­тэгъэ офлайн Iофтхьабзэу «Си­унагъо ыкIи синыбджэгъухэм сырягъусэу лъэбэкъу мини 10» зыфиIорэр чъэпыогъум и 19-м рагъэкIокIыщт.