Урысые банкым и Къутамэу – АР-м и Лъэпкъ банк пчъэ зэlухыгъэ­хэм ямафэ щыкlуагъ. Зитеплъэ нэплъэгъубэ зыфэзыщэрэ банк шъхьаIэр Мыекъуапэ щыщхэми ихьакIэхэми зэрагъэлъэгъун алъэ­кIыгъ, экскурсие ыкlи лекцие гъэшIэгъонхэм ахэлэжьагъэх.

— Урысые Банкым ипчъэ зэIухыгъэ­хэм ямафэ къэралыгъом икъэлэ 70-мэ ащыкIуагъ. Адыгеири ахэм яз. Ар илъэ­сым зэ зэхэтэщэ. Мызыгъогум нэбгырэ 200 фэдиз къекIолIагъ, — тыщигъэгъо­загъ Урысые Банкым и Къутамэу Адыгеим щыIэм игъэlорышIакIоу Сергей Самойленкэм.
Банкым ихьакIэхэм ахъщэ зэфэ­шъхьафхэр алъэгъугъэх, сомэ миллионыр псынкIэу зэрэплъытэщтыр зэрагъэшIагъ, финансхэмкIэ яшIэныгъэхэр ауплъэкIугъэх, зэнэкъокъухэм ахэлэжьагъэх, электроннэ ахъщэр тэрэзэу зэрэбгъэзекIощтым едэIугъэх, банк картэм
ишъэ­ф­хэр зэхафыгъэх.
Джащ фэдэу тарихъыр зикIасэхэм банкым имузей зэрагъэлъэгъугъ. Тишъо­лъыр ибанковскэ Iоф итарихъэу илъэси 100-м къехъурэр музеим еухъумэ. Къэ­гъэлъэгъонэу щыгъэпсыгъэм пкъыгъо 300 фэдиз щызэхэугъоягъ.
Анцокъо Ирин.
Сурэтыр: Лъэпкъ банкым
ихъарзынэщ.