Чъэпыогъур зыфэдэщтыр
Бжыхьэ мэзищым яятIонэрэ мазэу чъэпыогъум дышъэ бжыхь раIо.
Мы мазэр зыфэдэщтым тыщигъэгъозагъ гидрометеорологиемкIэ ыкIи тыкъэзыуцухьэрэ дунаим иуплъэкIункIэ Гупчэм ипащэу Александр Митровым. Ащ къызэриIуагъэмкIэ, тызыхэт чъэпыогъу мазэм температурэу щыIэщтыр шапхъэм шIокIыщтэп, ощхэу къещхыщтым ибагъэ шапхъэхэм анахь мэкIэщт.
Мазэм иятIонэрэ мэфипшIым жьыбгъэ чъыIэу къилъыщтым ощх къыхьыщт. Къушъхьэхэм ос цIынэр къащесын ылъэкIыщт, пчэдыжьыпэхэм ыкIи чэпэ зэхэогъухэм пщагъоу щытыщт. Чэщым фабэу градуси 7— 12 щыIэщт, мафэм фабэр градус 20-м нэсыщт. Аужырэ ящэнэрэ мэфипшIым фабэу градус 12 – 17 щыIэщт, къыхэкIыщтых чъыIэр градуси 6 – 11-м зыщынэсыщтыри.
Псыхъохэм адэт псыр шапхъэу щыIэхэм ашIокIыщтэп. Ау лъэшэу къызещхырэм, псыр къащыдэкIоен ылъэкIыщт. Мэкъумэщ культурэхэм яшIушIэгъэнхэмкIэ чъэпыогъум гумэкIыгъо къыздихьыщтэп.
КIАРЭ Фатим.