Росгвардием иподразделениеу СОБР-м икъулыкъушIэхэм ямэфэкI мы мафэхэм хагъэунэфыкIыгъ.

Чъэпыогъум и 8-м илъэс ­32-рэ хъугъэ Росгвардием ихэушъхьафыкIыгъэ отряд зызэхащагъэр. Тишъолъыр щыпсэурэ цIыфхэм ящынэгъончъагъэ къэухъумэгъэнымкIэ пшъэрылъ гъэнэфагъэхэр зэрехьэх Росгвардием и ГъэIорышIапIэу АР-м щыIэм СОБР-м иотрядэу «Ошъутен» зыфиIорэм.
Подразделением икъулыкъу­шIэхэр терроризмэм ыкIи экстремизмэм апэшIуекIогъэнымкIэ, бзэджэшIагъэхэр къэмыгъэ­хъугъэнхэмкIэ хэушъхьафыкIыгъэ операциехэм, лъыхъун Iоф­тхьабзэхэм ахэлажьэх, гъэры ашIыгъэхэр шъхьафит ашIыжьы, япшъэрылъхэр щытхъу хэлъэу агъэцакIэх.
2024-рэ илъэсым хэушъхьафыкIыгъэ подразделением икъу­лыкъушIэхэр хэбзэухъумэкIо къулыкъушIэхэр ягъусэхэу Iоф­тхьэбзэ 50-м ехъумэ ахэлэжьагъэх. Ахэм яшIуагъэкIэ бзэджэшIагъэ зезыхьан гухэлъ зиIэгъэ нэбгырэ 14 къаубытыгъ.
КъулыкъушIэхэм анахьыбэм Темыр-Кавказ шъолъырым къу­лыкъу-дзэ пшъэрылъхэр щагъэцакIэхэзэ дзэ IэпэIэсэныгъэшхо аIэкIэлъ хъугъэ. Мы мафэм ехъулIэу отрядым хэтхэр хэушъхьафыкIыгъэ дзэ операцием хэлажьэх.
Сурэтыр: Росгвардиер.