Рострудым порталэу «Онлайнинспекция. рф» зыфиIорэм къыригъэхьэгъэ фэIо-фашIэм ишIуагъэкIэ инспекторэу IофшIэным фэгъэзагъэр организацием рагъэблэгъэн алъэкIыщт пэшIорыгъэшъ IофшIэнхэм япхыгъэ IофыгъохэмкIэ.

Инспекторэу рагъэблагъэрэм къафиIотэщт цIыфхэм IофшIэн язытыхэрэм шIокI зимыIэ шапхъэу агъэцэкIэн, хэбзэгъэуцугъэу щыIэр укъуагъэ мыхъуным пае чэзыу-чэзыоу уплъэкIунхэр зэхащэхэзэ ашIын зэрэфаем ыкIи нэмыкIхэм афэгъэхьыгъэу. Ащ фэдэу инспекторыр къазыхахьэкIэ IофшIэныр язытырэм къышъхьапэщт лъэныкъохэм ынаIэ нахь атырырегъадзэ. Мыщ дэжьым къыхэгъэ­щыгъэн фае ащ фэдэ пшъэрылъ зиIэ инспекторэу къэкIуагъэм протокол зэрэзэхимыгъэуцорэр ыкIи хэукъоныгъэ зышIыгъэр зэримыгъэпщынэрэр. Пшъэ­рылъ шъхьаIэу ащ иIэр зыфэкIожьырэр организацием щылажьэхэрэм яфитыныгъэхэр укъуагъэ мыхъунхэм а организацием ипащэ ынаIэ тырыригъэдзэныр ары.
Къэралыгъо инспекцием гъогогъу 60 фэдизрэ ащ фэдэ Iофтхьабзэхэр илъэсэу тызхэтым зэрихьагъэх. ЫпкIэ хэмылъэу ащ фэдэ фэIо-фашIэхэр афагъэцакIэх. ЦIыфхэм IофшIэн язытыхэрэм а Iэпы­Iэгъур къызэрашъхьэпэщтым уехъырэ­хъышэжьынэу щытэп.
IофшIэнымкIэ Къэралыгъо инспекцием ипащэу, АР-м и Къэралыгъо инспектор шъхьаIэу Сихъу Русет.