ГолболымкIэ зэнэкъокъоу Московскэ хэкум щыкIуагъэм Адыгеим илIыкIохэм медалитIу къыщахьыгъ. Урысые кIэлэцIыкIу-ныбжьыкIэ турнирым хэлэжьагъэх зымылъэгъурэ спортсменхэр.

Къэралыгъом ишъолъыри 6-мэ къарыкIыгъэ командэхэм Адыгеим щыщыри ахэтыгъ. Тренерэу Елена Минаевам ыгъэсэрэ спортсменхэм джэрз медальхэр къахьыгъэх. Апэрэ ыкIи ятIонэрэ чIыпIэхэр Респуб­ликэу Карелиемрэ Московскэ хэкумрэ афагъэшъошагъэх.
Джащ фэдэу хэушъхьафыкIыгъэ шIухьафтын къылэжьыгъ Илья Кошелевым. Ащ анахьыбэрэ, гъогогъу 55-рэ, къэлап­чъэм Iэгуаор дидзагъ.
Типшъашъэхэми тагъэгу­шIуагъ, ахэми ящэнэрэ чIыпIэр къыдахыгъ. Ахэм апэ ишъыгъэх Московскэ ыкIи Нижегородскэ хэкухэм ялIыкIохэр. Спортсменхэм къафагъэшъошэгъэ тынхэр къаритыжьыгъ Пар­алимпийскэ джэгунхэм щэгъо­гогъо ячемпионкэу Ольга Семеновам.