Мыекъопэ район къэзэкъ обществэм хэт сержантэу Анатолий Герман хэушъхьафыкIыгъэ дзэ операцием хэлажьэзэ идзэ пшъэрылъхэр щытхъу хэлъэу зэригъэ­цэкIагъэхэм, лIыгъэ зекIуакIэу зэрихьагъэхэм афэшI медалэу «За отвагу» къыфагъэшъошагъ.

Анатолий ЛIыхъужъныгъэм иорден тIогъогогъо икавалер хъугъэ, ятIонэрэу медалэу «За отвагу» зыфиIорэр къыфагъэшъошагъ, ащ нэмыкIэу къэзэкъ отделым итын лъэпIэ зэфэшъхьафэу иIэр бэ. ДзэкIолIыр конституционнэ хабзэр зыпкъ рагъэуцожьынымкIэ Чэчэным щыкIогъэ дзэ операциеми хэлэжьагъ.
ХэушъхьафыкIыгъэ дзэ операциер зырагъажьэм Анатолий Хэгъэгур къыухъумэнэу гоуцуагъ. Апэ ащ икъу­лыкъу къэзэкъ гуфит отрядэу «Кубань» зыфиIорэм (БАРС-11) щыригъэжьагъ. Нэужым УФ-м и УIэшыгъэ КIуачIэхэм ичастьхэм, БАРС-м иподразделениехэм, ЧВК-м ахэтэу «кIэпсэжъыем» зэпырыдзыгъэу идзэ пшъэрылъхэр ыгъэцэкIагъэх.
Мыекъопэ районыр, Адыгеим икъэ­зэкъ ныбжьыкIэхэм я Союз хэтхэр, зэрэшъолъырэуи я ЛIыхъужъ рэгушхох. Хэгъэгум ишIоигъоныгъэхэр лIыхъужъ зекIуакIэкIэ къызэриухъу­мэхэрэр ныбжьыкIэхэмкIэ щысэте­хыпI.
Мамыр щыIакIэр къытфэзыухъумэрэ дзэкIолIхэм зэкIэми «тхьашъуегъэп­сэу» ятэIо, псауныгъэ Тхьэм къы­шъует!
Екатерина Данилова.
Мыекъопэ район къэзэкъ отделым иатаман игуадз.