Къэралыгъо фондэу «Хэгъэгум иухъумакIохэр» зыфиIорэм ишъолъыр къутамэ хэушъхьафыкIыгъэ дзэ операцием хэлажьэхэрэм, иветеранхэм ыкIи ахэм яунагъохэм арысхэм яфитыныгъэхэр къэухъумэгъэнхэм епхыгъэу цIыфхэр ригъэблэгъагъэх. Iофтхьабзэм хэлэжьагъэх къэлэ прокуратурэм илIыкIохэр.

Къеблэгъэгъэ цIыфхэр анахьэу зыгъэ­гумэкIыщтыгъэхэр шъолъыр ахъщэ тынхэр, социальнэ ыкIи нэмыкI IэпыIэгъоу щыIэхэр арагъэгъотынхэр. Закъызэрафагъэзэгъэ Iофыгъохэм язэхэфын рагъэжьагъ.
Къулыкъу зэфэшъхьафхэм ялIыкIохэр яIэпыIэгъухэу зэпэуцужьым хэлажьэ­хэрэр, иветеранхэр, хэкIодагъэхэм яуна­гъохэр зэрихьылIэрэ гумэкIыгъохэр псынкIэу зэхэфыгъэнымкIэ фондым зэхищэрэ зэIукIэгъухэм яшIуагъэ къэкIо.