ГандболымкIэ Урысыем и Суперлигэ хэт «АГУ-Адыифым» зичэзыу ешIэгъоу Москва щыриIагъэр шIуахьыгъ. Тикомандэ къэралыгъом ичемпионэу «ЦСКА-м» дешIагъ.

«ЦСКА» — «АГУ-Адыиф» — 33:25 (15:12).
«АГУ-Адыифым» хэтхэм якъэ­гъэлъэгъонхэр: Суздальцевар – 4, Селиверстовар – 4, Пономаревар – 3, Краснокут­скаяр – 2, Кавера – 2, Къэбжьыр – 2, Тишинар – 2, Коблыр – 2, Коваленкэр – 1, Гогия – 1, Болоба – 1, Бондаренкэр - 1.
«ЦСКА-м» фэдэ командэхэм уадешIэныр сыдигъокIи гъэшIэгъо­ны, хэта фэмыер чемпионым текIонэу. Москва щыпсэурэ тичIыгогъухэр «АГУ-Адыифым» лъэшэу деIагъэх, ахэм амакъэ зэхэпхыщтыгъ.
Апэрэ таймым изэфэхьысыжьхэм тагъэрэзагъ, чемпионыр Iэгоуищ ныIэп тикомандэ ыпэ зэритыгъэр. ЯтIонэрэр тIэкIу нахь дэигъ, ащ бысымхэр хэпшIыкIэу нахь щылъэшыгъэх. Пчъагъэр 33:25-у зэIукIэгъур аухыгъ.
Тикомандэ хэтхэм анахь къахэщы­гъэр Анастасия Селиверстовар ары, ащ къэлапчъэм Iэгоуи 4 дидзагъ.
Командэхэр зыдэщыт чIыпIэхэр ыкIи очко пчъагъэу рагъэкъугъэр:

1. «Ростов-Дон» - 10.
2. «ЦСКА» - 9.
3. «Астраханочка» - 8.
4. «Черноморочка» - 6.
5. «Кубань» - 5.
6. «Динамо-Синара» - 4.
7. «Лада» - 4.
8. «Звезда» - 2.
9. «Луч» - 2.
10. «АГУ-Адыиф» - 0.
11. «Университет» - 0