ФутболымкIэ Урысыем изэнэкъокъу иятIонэрэ лигэ хэт «Зэкъошныгъэм» зичэзыу я 27-рэ турым къыдыхэлъытэгъэ ешIэгъоу Мыекъуапэ щыриIагъэр шIуахьыгъ.

«Зэкъошныгъ» — «Нарт» — 1:3 (1:0).
«Зэкъошныгъэм» щешIагъэ­хэр: Т. Хачировыр, Д. Савиных, М. Ягьяевыр, И. Оразаевыр, И. Абдуллаевыр, К. Юшко, Н. Сергеевыр (А. Зезэрахьэр), Д. Антоненкэр, З. Коблыр (Ш. Гайдаровыр), М. Коломийцевыр, Г. Абдуллаевыр (А. Делэкъор).
«Нартым» хэтыгъэх: А. Дьяченкэр, М. Денилхановыр, Н. Катаевыр (Р. Бостановыр), В. Рымарь, Г. Тарновыр, В. Абыдокъор (Р. Лафышъыр), А. Джумаевыр, Ш. Исаевыр (Э. Тхакоховыр), И. Ульбашевыр (И. Чалый), Э. Цанава, А. Курачиновыр.
ЕшIэгъум нэбгырэ 340-рэ еп­лъыгъ. ЗэIукIэгъур узIэпищэу, гъэшIэгъонэу кIуагъэ. Я 22-рэ такъикъым «Зэкъошныгъэм» ще­шIэрэ Гаджимурад Абдуллаевым пчъагъэр къызэIуихыгъ. Апэрэ таймым ащ нахьыбэрэ командэхэм къэлапчъэм Iэгуаор да­дзагъэп.

ЯтIонэрэ таймым «Нартым» иешIакIэ ригъэхъугъ, бэ къыдэхъу­гъэри. Я 55-рэ такъикъым хьакIэ­хэм пчъагъэр зэфэдиз ашIыгъ. Мы уахътэм щегъэжьагъэу футболитстхэр нахь дысэу ешIэхэу рагъэжьагъ. «Зэкъошныгъэм» къэлапчъэм Iэгуаор дидзэн гу­хэлъ иIэу ыпэкIэ илъыщтыгъ, ау ар къыдэхъугъэп. Я 76-рэ такъикъым Даниил Антоненкэр изакъоу къэ­лапчъэм екIугъ, ау ащ Iэгуаор дидзэшъугъэп. Я 87-рэ такъикъым хьакIэхэм пчъагъэм хагъэхъуагъ, къахэщыгъэр Абыдокъо Вадим. Кирилл Юшком ятIонэрэ гъожь карточкэр судьям къыригъэлъэгъуи, ешIапIэм къыригъэкIыгъ. А уахътэм «Нартым» ящэнэрэ Iэгуаор къэлапчъэм дидзагъ, пчъа­гъэр 1:3-у зэIукIэгъур аухыгъ.
— Тифутболистхэм яешIакIэ сигъэрэзагъ, къэлапчъэм Iэгуаор дадзэнымкIэ амалыбэ яIагъ, ау ар къадэхъугъэп. Судьям унашъоу ышIыгъэхэм ащыщыбэхэм адезгъаштэрэп, анахьэу пчъагъэр зэфэдиз зашIым, сыда пIомэ хьакIэхэм яфутболист шапхъэхэр зэриукъуагъэр ащ ылъэгъугъэп, — къы­Iуагъ «Зэкъошныгъэм» итренер шъхьаIэу Сергей Мирошниченкэм.
Я 27-рэ турым изэфэхьысыжьхэр:
«Динамо-2» — «Динамо Ставрополь» — 0:4, «Ангушт» — «Легион» — 1:1, «Зэкъошныгъ» — «Нарт» — 1:3, «Форте» — «Победа» — 5:2, «Рубин Ялта» — «Биолог Новокубанск» — 3:2, «Ростов-2» — «Кубань Холдинг» — 2:0, «Строитель» — «Севастополь» — 1:1, «Алания-2» — «Спартак-Налщык» — 1:1.
Командэхэр зыдэщыт чIыпIэ­хэр ыкIи очко пчъагъэу рагъэ­къугъэр:

1. «Форте» — 53.
2. «Динамо Ставрополь» — 51.
3. «Легион» — 49.
4. «Рубин Ялта» — 49.
5. «Ростов-2» — 48.
6. «Севастополь» — 46.
7. «Астрахань» — 40.
8. «Нарт» — 35.
9. «Строитель» — 35.
10. «Ангушт» — 32.
11. «Зэкъошныгъ» — 30.
12. «Спартак-Налщык» — 28.
13. «Кубань Холдинг» — 26.
14. «Биолог-Новокубанск» — 23.
15. «Победа» — 22.
16. «Алания-2» — 17.
17. «Динамо-2» — 13.
    КъыкIэлъыкIощт зэIукIэгъур «Зэкъошныгъэм» Назрань щыриIэщт, чъэпыогъум и 12-м командэу «Ангушт» дешIэщт.